فلانتاين والحب كلمات الشاعر محمد ابو الحسن
فلانتاين والحب
بقلم محمدابوالحسن
،،،،،،،،،،، ،،،،،،،،،،، ،،،،،،،،،،،،،،
فلانتاين مين يااخواتى
داإختراع واحد
خواجاتى
عمره ماجرب نار الحب
لأنه كان شغالى قرداتى
يبقى إزاى يعشق
ويحب
ويشرَّع لنا يوم عيد
للحب
تلاقيه كان سكران
بيهاتى
يابنت بلدى ياعنب
بناتى
مقامك أكبر من كده
ياحياتى
عندك حبيب واحد
معلوم
عايشين مع بعض
كل يوم
يبقى عندك عيد يوماتى
بس خفوا النكد شويه
وخلوامكانه رقه وحنيه
هتلاقى كل حياتك عيد
وهتنسى العيد
الخواجاتى
وانت ياابن بلدى ياشهم
عارفك رجوله وكلك
فهم
ياتحب الحب البلدى
بتاعنا
إللى إحنا عليه إتعودنا
ياتخليك سنجل
زى حالاتى
الموضوع مش عيدحب
وورده
أو كلمتين فى كارت
معايده
أو قاعده حلوه
فى مكان جميل
كل دا حلوقوى وجميل
لكن تبقى فين الفايده
الحب أكبرمن كده بكتير
للى عاوز يحب بضمير
وإللى عاوز يتسلى
ياكل ترمس وفول
حِراتى
محمدابوالحسن
Commentaires
Enregistrer un commentaire